Qeyri-adi quşlar
Bağban quş - Bu lələkləri tünd kiçik quşun vətəni Malukk adalarıdır. O, torpağın üstündə nazik qamışdan yuva hörür. Yuvasının qabağına rəngbərəng çiçəklər düzür. Vaxtaşırı yuvasının qabağındakı çiçəkləri dəyişdirib təzələyir.
Sarıbülbül - Sarıbülbülə gözəl səsinə görə “nəğməkar quş” da deyirlər. Vətəni Kanar adalarıdır, buna görə də sonralar ona Kanarye quşu adı verilib. Sarıbülbülün dişiləri cikkildəyir, amma erkəkləri gözəl səslə oxuyur. Sarıbülbülün yemini müxtəlif bitkilərin dənindən düzəldirlər, onlar göyərti də yeyirlər. Vəhşi sarıbülbüllərin lələkləri rəngbərəng olur.
Bənna sərçə - Bu sərçə də adi sərçələrə bənzəyir. Bənna sərçələr birlikdə ağac başında dam düzəldir. Bəzən damın uzunluğu iki metrə çatır. Onlar cüt-cüt olub bu damın altında özlərinə ayrıca yuva tikir. Yuvaya aşağı tərəfdən yol qoyurlar. Bənna sərçələr cəld, acgöz və səs-küylü olurlar. Böyük dəstələrlə yaşayırlar. Bənna sərçələrin yuvaları yaşayış məntəqəsinə oxşayır. Bu məntəqələrin hər birində yüzlərcə kiçik yuva olur.
Böyük Tetra quşu - Avropa və Asiya meşələrində yaşayır, dən və yarpaq yeyir. Tetra quşları dalaşanda bərk dimdikləşirlər. Hətta bir-birlərini vurub öldürürlər. Tetra quşunun uzunluğu bəzən bir metrə çatır. Tetra quşuna çöl xoruzu (meşə xoruzu) da deyirlər.
Keçəl Kərkəs - quşların ən yırtıcılarındandır. Qanadları açılanda üç metrdən də uzun olur. Çirkin görünüşlü bu quş leş, cəmdək yeyir. Keçəl kərkəsin əsas məkanı Kordilyer dağları və Kaliforniyadır.
Kəkilli durna - orta Afrikada, qamışlıqda suya yaxın yerlərdə yaşayır. Cücü və dən yeyir. Asanlıqla ələ öyrənir. Çox gözəl və incə quşdur. Kəkilli duma qeyri-adi bir şey görəndə qanadlarını açır, gah bu, gah o biri ayağı üstə başqa yerə qaçir.
Qara Palma Cockatoo
"Bavyeranın Kraliçası Conure" adı ilə tanınan böyük, rəngarəng və parlaq qızılı quşu həqiqətən görmək lazimdir
